Dy vite më parë Dajana Shabani u largua nga emisioni i mëngjesit i Ora News, ku prej vitesh drejtonte. E ftuar në “Why not”, Dajana tregoi se nuk e pushuan nga puna, por ishte vendimi i saj, pasi po shikonte për një jetë më të mirë jashtë vendit.
Pas largimit të Dajanës, vendin e zuri Arjola Shehu dhe Arjon Muça me emisionin “Ditë e re”. Por e ftuar në “Why not”, Dajana u shpreh se Arjola nuk i duket aspak si moderatore mëngjesi.
“Mëngjesi do energji, do t’i zgjosh njerëzit, jo t’i vendosësh në gjumë. Arjola bën për prezantimin e një mbrëmjeje, festivaleve, për shembull te “Kënga Magjike” më ka pëlqyer. Ndërsa për mëngjesin nuk është. Do ta kisha pozicionuar në emision pasditeje. Mëngjesi do shumë energji”, tha Dajana.
